sqiten
Home / Kuriozitete / Çfarë duhet të kesh parasysh kur hap një restorant ose këshilla për pronarin

Çfarë duhet të kesh parasysh kur hap një restorant ose këshilla për pronarin

Unë besoj që kuriozitetit për të provuar ushqimet e huaja pas 25 vjetësh i ka ardhur fundi! Ndaj është momenti t’i themi: Stop!

Është koha që ne të kthehemi tek produkti shqiptare dhe duhet të konsumojmë në maksimum prodhimet tona.

Kam vë re me vëmendje këto kohë se tani jemi në fazën e transformimit të një bujqësie, nga ajo për mbijetesës në kompanitë serioze, ku ka një cilësi të lartë dhe ku respektohen rregullat e rëndësishëm që duhet të ketë një prodhues shqiptare modern. Dhe ky është një lajm i mirë që ja vlen të shfrytëzohet!

E them këtë sepse në shumë restorante dhe hotele ka një prezencë të madhe të prodhimeve të huaja.

Dhe shpesh herë është e një cilësi shumë më e ulët se sa ajo vendase. Pyetja që lind: a ja vlen të mënjanojmë prodhimin tonë për një të huaj, vetëm për faktin që vjen nga jashtë!? Absolutisht, jo !

Pra pikërisht këtu fillon strategjia e menaxhimit të suksesshëm të një aktiviteti hoteleri turizëm.

Pra strategjia e blerjes e lëndës së parë është kryesorja. 

Dhe pastaj duhet të fillojmë nga historia gastronomike e zonës ku ndodhet lokali, aty është baza dhe aty bazohet e gjithë menuja. Krijimi i një identiteti është shumë i rëndësishëm.

Gjeja e parë që më thonë personat që kanë restorante është: po ku kemi gjë tjetër ne, përveç fasules!?

Jo, unë them që ka goxha varietete gastronomike në Shqipërinë tonë të vogël. Por është pikërisht ky nënvlerësim që kemi treguar gjatë gjithë këtyre viteve që na ka penguar ta njohim e ta zhvillojmë atë.

Një tjetër pyetje që më mundon është: A jemi ne në të vërtetë aq mikpritës apo është thjeshtë një legjendë?

E them këtë pasi me keqardhje konstatoje se në lokale ka shume pak mikpritje…domethënë kemi më shumë situata ku klienti mundohet të zhvatet në maksimum e jo t’i japim atij një mikpritje siç duhet të jetë dhe siç na e kërkon tradita. Klienti është shumë i rëndësishëm për restorantin. Ai është konsumatori, nëse ti e largon atë me arrogancë, atëherë ai do të refuzoi po me kaq arrogancë.

Një lokal që të funksionoi, në të vërtet duhet të investohet shumë tek forca punëtore.

Duhet të investoi tek shefi i kuzhinës, ku në kuzhinë mos të qëndrojë një shtëpiake që thjeshtë bën disa gjëra të skuqura në kuzhinë dhe asgjë tjetër. Puna e kuzhinierit është shumë serioze nuk mund të çohet përpara me njerëz pa eksperiencë të cilët maksimumi që mund të bëjnë në kuzhinë, mund të jetë, larja e perimeve. Jo, këtu gabojmë. Fakti që një grua gatuan mirë në shtëpi, nuk do të thotë që këtë gjë mund ta bëj po kaq mirë edhe në restorant. Ka një ndryshim shumë të madh dhe kjo duhet të kuptohet njëherë e mirë.

Puna e kamerierit është një punë e madhe për një kompani, nuk është punë veç për studente të dëshpëruar që e bëjnë atë për të sajuar ndonjë lekë për studimet (megjithë respektin për këta të fundit).

Kamerieri është çelësi i suksesit të një restoranti, është ai që ka rolin kryesore ta bëjë klientin të ndihet si në shtëpinë e tij. Ai duhet të jetë një njohës i mirë i ushqimit dhe i të gjithë llojeve të pijeve.

Salla duhet të ketë një bashkëpunim të madh me kuzhinën. Ato nuk duhet të jenë asnjëherë në konflikt me njëra -tjetrën.

Nuk mund të lëmë jashtë përgjegjësive pronaret e lokaleve, të cilët në shumicën e rasteve kanë shumë huqe të këqija. Unë e them gjithmonë që, një pronar lokali nuk duhet të ketë huqe të këqija, nëse ai është me huqe nuk do t’i funksionoi asnjëherë kompania që ai ka, por thjeshtë, pritet që shumë shpejt lokali i tij të falimentoi.

Këto janë disa nga idetë e mia se si duhet të funksionoi një restorant i këtyre kohëve. Nga eksperienca e gjatë në gjithë vite kam mësuar disa nga strategjitë e funksionimit të kësaj hallke biznesi.

Lini një Koment

Your email address will not be published. Required fields are marked *

two + 6 =